flott viðtal við Boga í Peace Garden þarabaðinu

ég var að fá flotta umfjöllun á Snoop around vefnum sem fékk verðlaun núna í mánuðinum í flokki Besta blogg/efnistök/myndefni :o)

sjá: http://snoop-around.com/interviews/bogi-jonson/

 

Ég hef boðið upp á jurtagufubað í nokkur ár, þó að því sé ekki sérstaklega beint að leggöngum kvenna.

Ég hef boðið upp á jurtagufubað í nokkur ár, þó að því sé ekki sérstaklega beint að leggöngum kvenna. þetta er sérstök blanda af austurlenskum jurtum sem ég læt sérpakka fyrir mig hjá kínverskum grasalækni í Thailandi, þetta aldagömul aðferð meira að segja þegar konan mín eignaðist eldri strákana sína í Thailandi fyrir ...um 30 árum síðan þá var hún drifin í svona jurtagufubað strax á eftir fæðingunni og var það í sólahring sjá nánar: http://1960.is/iceland/spa_verd.htm 

 

Ný tíska: Gufuböð fyrir leggöng

Illmögulegt að breyta mannsins eðli

Það vill nú þannig til að mannskepnan er nú miklu meiri skepna en við viljum vera að láta, þó að okkur finnist við öllum dýrum fremri bæði í visku og limaburði þá leifi ég mér nú að taka það með fyrirvara, því við erum nú mun styttra frá rándýrseðlinu en við viljum viðurkenna, til að mynda þá eru ekki margar skepnur sem drepa sína eigin tegund, bara vegna þess að þeim líkar ekki við þau eða vilji eignast einhverja veraldlega hluti sem þau eiga.Ég tel þetta eiga líka við kynferðismál, hver kannast ekki við að það hafi einhvertímann á lífsleiðinni komið upp sú staða að strax eftir fullnægingu hafi skotið upp sú hugsun „hvern and#“%&$# var ég nú að gera“Nú þegar umræður hafa verið um að leyfa opnun spilavítis eins og í Vegas þá er það spurningin hvort ekki eigi að fara alla leið og leyfa líka vændi undir opinberu eftirliti að Vegaslegum sið.Næg er eftirspurnin, svo mikil reyndar að ég varð að hætta að bjóða upp á ilmolíunudd í thailenska spainu hjá mér þar sem það kom allt of oft upp að gestir af báðum kynjum leituðu ítrekað eftir kynlífsþjónustu bæði þegar á nuddinu stóð og þegar tímar voru pantaðir, ég sá mig tilneyddan þegar ég lét útbúa kynningabækling sem dreift var meðal annars á hótelin að taka það fram í honum eð engin kynlífsþjónusta væri í boði.Einnig þykist ég vita að þessi ótrúlega þrautarganga mín, í tæp fjögur ár við að fá atvinnuleyfi fyrir lærðan thailenskan nuddara með mikla reynslu, hafi litast að því innanbúðar hjá vinnumálastofnun og félagsmálaráðuneytinu að thailenskt nudd og kynlífsstarfsemi væri eitt og hið sama, þrátt fyrir marg ítrekaða, boð í vetfangsheimsókn til mín og, rökstuðning um að thailenskt nudd ætti sér mörg hundruð ára sögu ( sjá hér) (og hér) og þessi blöndun við kynlífsiðnaðinn hafi einungis verið afmörkuð seinnitíma gjörningur til að þjóna kröfum ferðamanna frá vesturlöndum. Það er spurningin hvort ástæða þessara þvermóðsku hjá ráðamönnum sé ekki þeirra persónulega reynsla af kynlífstengdu thai nuddi?Ég læt fylgja hér með sögu sem, sýnir hvað sannleikurinn getur skekst við það að fara á milli margra vara, en kunningi minn lenti í þessari uppákomu fyrir allnokkrum árum , þegar íslendingar voru að byrja að fara í sumarfrí til thailands. Þegar kunningi minn flaug fyrsta áfanga ferðarinnar frá keflavík til kaupmannahafnar þá lendi hann við hliðina á tveimur ungum þjóðverjum þeir fóru að spjalla saman og sögðust vera að koma úr helgarreisu í new york þar sem þeir fóru meðal annars í leikhús, söfn og líktu á næturlífið og voru mjög ánægðir með velheppnaða ferð, þeir spurðu kunningja minn á hvaða ferðalagi hann væri hann var nokkuð góður með sig að sagði að hann væri á leið til thailands þar sem hann ætlaði að njóta lífsins á ströndinni og ekki ætlaði hann að láta fram hjá sér fara þann mikla og ódýra kynlífsiðnað sem sögur fara af. Þjóðverjarnir steinþögnuðu og litu hver á annan stundakorn síðan sprungu þeir úr hlátri, kunningi minn vissi ekki hvað var eiginlega í gangi og spurði þá hvað væri að, eftir nokkra stund gátu þeir stunið upp úr sér milli hlátrakastanna að þeir gætu ekki skilið hverslags hálfviti hann væri að fara yfir hálfan hnöttinn til að borga fyrir kynlíf þegar hann ætti heima í stærsta hóruhúsi Evrópu þar sem í boði væri ótakmarkað frítt kynlíf.

Það er spurningin hvort ekki er lag að að venda sínu kvæði hressilega í kross og breyta húsakosti mínum og rekstri hér að Hliði Álftanesi í ( www.1960.is )spilavíti og vændishús? Það er nú skylda manns að reyna með öllum ráðum að lámarka tjón lánadrottna og þetta gæti verið leið til að bjarga þeim málum og ekki væri nú verra að geta bjargað sveitafélaginu sínu í leiðinni þar sem ofur gjöld og skattar ættu að vera af þessari þjónustu. Nú er að setjast niður og skrifa bréf til landlæknis og þeirra ráðherra sem málið varða til að finna út hvaða verklag væri farsælast í þessari starfsemi.

 

Bauð samfanga vinnu við vændi

Nutt aðeins of seinn

Próferssor Nutt er aðeins og seinn fyrir mig, hefði hann verið búin að græja töfluna þá hefði ég væntanlega losnað við mörg ævintýrin, bæði góð og slæm.

en satt að segja þá er ég ekki viss um að ég hefði vilja missa af þessu (nema þeim gjörningi sem myndin er af) þar sem maður slapp nokkuð heill frá þessum árum 1972-1984. 

Að þurfa að ganga í gegn um meðferðarlífsreynslu og þurfa að taka upp annan lífsstíl var mér ómetanleg reynsla, ekki ólíkt því að fá loksins leiðbeiningabæklinginn með sjálfum sér.

ég líki þessu oft við það þegar ég eignaðist fyrst þvottavél, ef að ég setti bara það sem var óhreint í vélina og stillti á eitthvað þá væri útkoman æði skrautleg,mislit og hlaupin, en stundum í góðu lagi og þá væntanlega segði ég við mig þegar fötin kæmu í rúst út úr vélinni að þetta hefði bara verið bölvuð óheppni og ég myndi passa mig betur næst.

 En ef ég léti mig hafa það að lesa og fara eftir bæklingnum þá væri þvotturinn vandræðalaus. 

Áfengislíki án timburmanna í þróun

Miður falleg úrklippa af einu af "afrekum" míns og fyrrum félaga Bakkus

Miður falleg úrklippa, úr Vísir, af einu af "afrekum" míns og fyrrum félaga Bakkus

Ég man nú frekar lítið eftir þessu ferðalagi sem endaði frekar illa hjá mér, en hefði getað endað miklu verr, það vantaði aðeins tvær húslengdir að ég kæmist heim, eftir ævintýri næturinnar sem voru í meiralagi skrautleg.

Ég á enn í vanda með að skilja hvað það var sem hélt verndarhendi yfir mér á þessum áru og að maður skuli hafa sloppið lítt skaddaður frá öllum þessum bandbrjáluðu uppátækjum

Bíla lífshlaupið fyrstu skref

 Fá því að ég var smá gutti þá hef ég haft áhuga á því að skilja hvernig hlutirnir virkuðu og helst að endurbæta þá.

 ég 15 ára og nýbúin að smíða nýa grind í Austin8 bíl sem ég eignaðist

17 ára með WV bjöllu 1958 árgerð minnir mig sem ég var búin að mála sem hnattlíkan með lengdar og  breiddarbaugum, borgum ám, lálendi og hálendi málað inna og fleira é gallaði bjölluna "my small Wourld"

Lincoln Capri 1954 sem ég gerði upp eftir að búið var að klessa úr honum aðra hliðina þá hef ég sennilega verið 18 ára 

 ca 18-19 ára að gera upp "kroppinbak" Chevy 1954 hann var botninn og gólfbitar í honum var svo illa farnir að ég hengdi hann á hvolf í fjóra spotta þannig að auðveldara væri að gera vuiið botninn á honum 

 Þríhjól sem ég smíðaði úr afganginum úr "small wourld" bjöllunni eftir að ég var búin að setja í hana 6 síledra loftkældan boxermótor ásamt sjálfskiptingu, grindarbitum og fjöðrunarbúnað úr chevy Corver.

 Buggyin sem ég átti um tíma og lagaði eitthvað til, micxaði á hann blæju og eitthvað fleira

 Gamli Mack vörubíllinn sem ég fékk hjá Stjána meik og gerði upp og ætlaði að nota hann meðan ég byggði hús mitt í Austurtúni Álftanesi. meðan ég var að gera mackinn upp þá lánaði Stjáni mér samskonar Mack slökkvibíl sem hann átti og það var hversdagsbíllinn minn á meðan ;o)

ég smíðaði mér kínarúllubíl einhvertímann í kring um 1986-7 upp úr ónýtum chevy step van, mér var sagt að hann hefði endað líf sitt nokkrum árum seinna á Hróaskelduhátíð.

Þarabað er magnað

 Það var fyrir tilviljun að ég uppgötvaði þarabaðið, ég ætlaði að hrekkja konuna dálítið og setti fullt af þara í sjópottinn þegar við vorum að prufukeyra hann fyrir nokkrum árum, bæði hárið og húðin á okkur varð eins og á ungabarni nokkra daga á eftir sjá nánar hér

Der Spiegel tekur Reykhóla fyrir

Fram til fortíðar

Það er mikil og vandasöm vinna að halda við gömlum torfbæ svo sómi sé af.

ég sem er mikill torfbæjar unnandi leisti málið fyrir mig með torfbæjarnýbyggingu, ég byggði mér 170 fermetra íbúðarhús fyrir tveimur árum sem er eftir byggingareglugerð dagsins í dag en tilfinningu fortíðar.

en vegna fjármálahamfaranna er ég neyddur til að selja það  sjá hér

Ekki til umræðu að taka niður torfbæi

Tveir gamlir vinir kvaddir í dag

Á síðasta sólahring seldi ég tvo gamla öðlinga.

8 manna Cadillac fleedwood limo 1958 sem ég keypti fyrir nokkrum árum

og Ford AA 1.5 tonn árgerð 1931 var líka seldur

kreppa kelling neyðir mann til að losa sig við allan "óþarfa" til að haldast á floti og bíta á jaxlinn og bretta upp ermar.

Ég er friðaður

Það er misjöfn sú virðing sem menn bera fyrir fornleifum og friðuðum hlutum.

til að mynda þegar fólksvangurinn hér að Hliði var friðaður, fyrir nokkrum árum þá var ég úti á túni og þar að leiðandi friðaður í leiðinni, ég get ekki sagt að mér hafi fundist meyri virðing vera borin fyrir mér þrátt fyrir það  ég held að Kaffihúsagestir sem koma til mín viti ekki einusinni af því

Heimasíða Café Álftanes

 

Fornleifum spillt á Hellisheiði