10 ástæður til að skoða Álftanes

Þeir sem hafa hugsað sér að fara í skoðunarferð um hið friðsæla ófriðarsvæði Álftanes, Hafa ýmislegt að skoða

1. forsetasetrið og Álftaneskirkju

2. skammt norður af Bessastöðum á Skansinum svokallaða eru rústir kots Óla nokkurs Skans sem samnefnd vísa tilheyrir.

3. enn norðar eru leifar hernámsins varðturn og lítill braggi stuttu áður en komið er út á skansinn þar sem Tyrkjaránsskip strandaði í denn

4. hæðstu rennibraut landsins og einu öldulaug.

5. Taka lagið við Bjarnastaði þar sem beljurnar bauluðu mikið um árið.

6. reina að finna Sjónaleiði sem er hér á Hliðstanganum og fara með þá vísu sem höggin er í steininn.

7. minnast þess þegar ekið er fram hjá Sviðholti að þar bjó þrællinn Sviði sem hafði fengið lausn og hann uppgötvaði fengsæl fiskimið sem kölluð er Sviðið.

8.  fara í sjósund hér í víkinni á Hliði og synda út í Laugina sem er heitur hver sem kemur upp á stærstu fjörum, á eftir er hæft að skella sér í jurtagufubað, heitan sjópott, þarabað eða í thailenskt nudd í Alsælu baðhúsi.

9. fá sér kakó með rjóma og vöfflur með rabbsbarasultu og rjóma í Café Álftanes

10. setja friðar og farsældaróskir í friðarkúluna og biðja síðan almættið hvaða nafni sem það nefnist að láta óskina rætast, ekki væri verra að lauma ósk um að öll dýrinn í Álftanesskóginum verði vinir.

 

 

Allir á móti öllum í stjórn Álftaness

Athugasemdir

[Guðjón Sigþór Jensson, 11.9.2009 kl. 14:29]

Varðandi lið 5:

Kvæðið um beljurnar á Bjarnastöðum er um Bjarnastaði í Hvítársíðu í Borgarfirði.

Mosi

[Bogi Jónsson, 11.9.2009 kl. 15:18]

Já ég hef heyrt nokkrar útgáfur af því hvar hinar upprunalegu Bjarnastaðabeljur voru sem vísan er tileinkuð þess vegna þorði ég ekki að taka dýpra í árinni en að segja "Taka lagið við Bjarnastaði þar sem beljurnar bauluðu mikið um árið"

[Gísli Gíslason, 12.9.2009 kl. 23:10]

Skemmtileg samatekt Bogi.

[Ragnheiður , 13.9.2009 kl. 11:27]

Geturðu ekki troðið bæjarstjórninni í jurtabaðið hjá þér svo það verði hér einhver friður ?

Ég labba daglega við rústir hernámsins :)

[Bogi Jónsson, 13.9.2009 kl. 12:07]

Það er spurningin Ragnheiður hvort það myndi virka að reyna að mýkja þau upp í jurtagufubaði og þarabaði, þar á eftir að nudda úr þeim þvermóðskuna og gamla drauga svo hægt verði að komast að varalegri laus í heita sjópottinum, sem er uppi á þaki, svo vinnufriður náist í bæjarstjórn