Gefst upp fyrir heilbrigðiseftiliti suðurnesja.

 

Ég er hættur þessari sjálfsbjargar þrjósku.

 Nú er frítt í þarabaðið en þess í stað sagði ég mig á sveitina í fyrsta sinn á æfinni. (skráði mig á atvinnuleysisbætur)

 

Lögreglan lokaði Þarabaðinu í Friðar Garði

Ég og  hef verið að þróa Þarabað í nokkur ár fyrst í tengslum við Alsælu spa sem ég rak að Hliði Álftanesi (en ég varð að loka því vegna Bankamála)

og núna í Peace Garden við Garðskagavita sjá nánar á heimasíðu: http://www.icelandseaweedspa.com/  

Það vildi þannig til fyrir nokkru að það birtist hjá mér lögreglumaður og lokaði hjá mér þarabaðinu formlega að beiðni Heilbrigðiseftirlits Suðurnesja, vegna þess að ég hafði ekki starfsleyfi. En síðasta sumar fékk ég email og bréf í kjölfarið frá eftirlitinu þar sem þeir segja að það hafi borist þeim til eyrna að ég byði upp á þarabað og það væri starfsleyfisskylt, ég svaraði emailinu snarlega og þakkaði þeim fyrir sýndan áhuga og að þeim væri guð velkomið að gefa mér öll þau leyfi sem þeim fyndist að mér vanti. Síðan heyrði ég ekki meira í þeim fyrr en lögreglan birtist til að loka í síðasta mánuði.

Ég veit svo sem upp á mig sökina en „hippanum í mér“ finnst þetta ekki rétt, að svona lítil starfsemi, einn heitur pottur og sturtur, sem rekin er í heimahúsi án utanaðkomandi starfsmanns er jafn starfsleyfisskyld og Bláa lónið,

mér finnst að það ætti frekar að hvetja fólk til þess að reyna fyrir sér sjálft, með að bjarga sér með svona tilrauna smárekstri, hvort sem er að bjóða heim í mat eða kaffi, sögustund, prjónakennslu, listasýningu eða kennslu við að gera upp reiðhjól eða hvað sem er, ekki hvað síst meðan atvinnuleysið er svona mikið eins og hér á suðurnesjum. Þetta gæti verið búbót bæði fjárhagslega og félagslega fyrir ekki hvað síst eldri borgara og öryrkja og gæti orðið til þess að fólk sæi að þau væru að höndla þetta vel og farið í kjölfarið í samskonar „alvöru rekstur“

Fólk hefur spurt mig hvort það er ekki varasamt að bjóða upp á svona þjónustu án þess að vera með leyfi ef einhver myndi slasa sig þá yrði ég ábyrgur, málið er það að þú ert jafn ábyrgur vegna slysa eða annarra óhappa hvort sem þú ert með leyfi eða ekki, það eru frekar slóðarnir sem geta misnotað leyfin með því að vera kærulausir eg geta veifað leyfunum framan í gesti til að telja þeim trú um að allt er í lagi. Mér finnst þessi „leyfaismi“ ræna fólki heilbrigðri skynsemi og ábyrgðatilfinningu.

 

Ég hef verið að útfæra hugmynd sem ég kalla Open Home (sjá á facebook:   http://www.facebook.com/groups/310140235709288/ )  og byggist upp á því að fólk fái að opna heimili sín fyrir gestum og gangandi hvort sem er fyrir eða án gjalds, hugmyndin er ekki ósvipuð nýjustu útfærsluninni af „inspired by iceland“ nema að það er gengið lengra og gestgjöfum heimilt að taka gjald fyrir og merkja viðburðinn með sérstöku merki, þar sem kemur fram hver viðburðurinn er, á kvaða tíma og hvert er gjaldið ef það er ekki frítt, einni mætti merkja að þessi atburður væri ósamþykktur (í anda ósamþykktra íbúða) Í dag má almenningur leggja út fyrir því sem viðburðurinn kostar en ekki taka gjald fyrir hann, einungis flugfélög og flutningaðilar/skipuleggjendur mega hagnast á svona löguðu.

Ég hef mikinn áhuga á að opna umræðuna um þetta og þann kjánaskap sem viðgengst í sambandi við leyfa farganið hjá okkur, við hér á landi virðumst verða kaþólskari en páfin ef einhverjar reglugerðir koma frá stóru strákunum í Brussel, burtséð fá okkar eigin skynsemi, og þetta leyfa kerfi er byggt upp til þess að vernda meirimáttar, svo Pétur og Pálína séu ekki að þvælast fyrir þeim og fá einhverja mola sem hrynja af stóra borðinu.