Bogi Jónsson

14.10.2009 | 12:43

Friðrik öflugur, borðaði dínamít pinna.

Þegar ég var með Thailenska veitingarhúsið á annarri hæð á horni Laugavegs og Smiðjustígs þá komu eitt kvöldið nokkrir ungir danir til mín, þeir voru þokkalega í glasi og var greinilega glatt á hjalla og meira að segja helst til glatt á hjalla þannig að ég var hálf smeykur um að þau trufluðu aðra gesti. Fljótlega eftir að þau komu inn þá komu fjórir grunsamlegir menn inn á eftir og settust ekki langt frá dönunum og virtust vera að fylgjast með þeim. Mér leist ekki of vel á blikuna og hugsaði með mér að þarna væri gengi frá fiknó að fylgjast með einhverjum dópsmyglurum og réttast væri að henda smyglurunum út, á þeim forsendum að það væri of mikil læti í þeim, til þess að losna við allt vesen ef til handtöku eða einhvers slíks kæmi.

ég ákvað að gefa þeim séns og afgreiddi þá eins og aðra en þar sem þau voru hress og skemmtileg þá leifði ég mér að rugla og bulla dálítið í þeim svo kom að því þegar þau voru búin að borða að einn þeirra spurði mig hvort ég hefði ekki einhver vel sterkan eftirrétt, ég benti honum á að ég biði upp á dínamít pinna sem samanstóðu af einni hrárri rækju, einu hvítlauksrifi og einum litlum eitursterkum chilly, það voru 7 pinnar í skammtinum og ég bætti því við að enginn einn hefur enn náð að klára skammtinn. við þetta efldist hann um allan helming og pantaði pinna fyrir alla félagana.

þegar þau voru búin þá höfðu allir nema einn einungis klárað 1-2 pinna en einn þeirra kláraði alla og ég spurði hann hvort þetta hefði ekki verið ógurlega stert, hann vildi nú ekki viðurkenna það en eldrauðar varir, andlitið rennblautt af svita og fljótandi glansandi augu sögðu annað.

þegar gengið var frá reikningnum þá komu hinir grunsamlegu líka að gera upp, þá kom í ljós að þetta voru bæði Danskir og Íslenskir lífverðið að fylgjast með Friðrik krónprins og félögum og að sjálfsögðu var það Friðrik sem kláraði alla pinnana.

og sem betur fer hennti ég þeim ekki út Blush