Smá frið

Mér líst svo vel á þetta framtak Yoko að mig langar að gera litla súlu hjá mér, svona smá friðarsúlu í líki einnar manneskju. Því ég trúi því að það þarf aðeins að koma á frið í einni manneskju, til að koma á heimsfrið, manni sjálfum. því ef hver og einn væri til friðs þá væri friður í heiminum. Einfalt en samt órúlega flókið.

Ein friðarsúla nægir Yoko Ono

Illa farið með góðan Gunna

Þar sem Dr. Gunni er á vinsældarlista mínum yfir athyglisverða landa þá vil ég gera eitthvað fyrir hann í staðin svo hann nái upp sínu andlega ofurþreki aftur. Látið Dr. Gunna vita af því ef hann les þetta ekki sjálfur að ég bíð honum í Thailenskt nudd, jurtagufubað, heitan sjópott og þarabað í Alsælu Spa sjá nánar: http://www.1960.is/iceland/spa.htm

 

Dr. Gunni fékk ekki boðskort

Í vinnu á ferðamannaáritun

Er það ekki full langt gengið að senda mann til vinnu til lands utan ESS einungis með  ferðamannaáritun. og það af ráðuneyti. Svo við þurfum ekki að vera hissa yfir því að honum verði vísað úr landi.

Mikið væri gott ef einhver gæti upplýst starfsmenn stjórnsýslunar um þau fleigu orð "þú skalt ekki gjöra öðrum það sem þú vilt ekki að aðrir gjöri yður"

 

Krefjast þess að íslenskur sendifulltrúi verði kallaður heim

Ég lendi oft í þessu

það er alveg magnað hvað litli chiliin getur verið sterkur

það kemur stundum fyrir að ég byrja að hósta og svíða í augun í hinum enda hússins þegar konan tekur upp á því að þurrrista chili, maður verður ekkert var við lyktina í fyrstu en byrjar að hósta og fær ertingu í háls og augu.

það er annars gaman að segja frá því fyrst sterkur chili er í umræðunni að fyrir nokkrum árum var ég og konan með Thailenskan veitingastað við Laugarvegin eitt kvöldið komu nokkrir ungir og góðglaðir Danir í  á staðinn og pöntuðu nokkra rétti. Ég  veitti því athygli að í kjölfar þeirra komu fjórir grunsamlegir karlmenn og settust þar skammt frá og virtust vera að fylgjast með Dönunum, mér datt í hug að þetta væri fíknó að fylgjast með einhverjum dópsmyglurum. Ungu Danirnir voru nokkuð við skál og voru helst til fyrirferðamiklir svo ég var komin á fremsta hlunn með að vísa þeim út og ekki síst vegna þess að það var greinilega verið að fylgjast með þeim og ég átti von á einhverjum vandræðum.

en gott og vel þeir héldu sig á mottunni og þegar þeir pöntuðu vildu þeir fá einn af réttunum þann sterkasta sem húsið bauð upp á. Á matseðlinum var ég með svokallaða Dinamit pinna sem saman stóð af 8 litlum pinnum sem þræddur var uppá 1 hvítlauksrif 1 hrá vatnarækja og 1 minni en sterkari tegundin af chilli. Enn náunginn sem var í Danahópnum og kallaði greinilega ekki allt ömmu sína lét í það skína að hann gæti alveg borðað þessa pinna ég ataðist aðeins í honum og manaði hann upp á þeim forsendum að engin hefði enn getað klárað af diskinum, gæinn tók sig til og sporðrenndi hverjum pinnanum á eftir öðrum ofaní sig og tuggði vandlega og þó að svitinn bogaði af honum og augun væru orðin fljótandi í tárum og varirnar eins og ný varalitaðar með rauðum varalit viðurkenndi hann ekki að þetta væri of sterkt fyrir hann enda kom það á daginn þegar þau gengu frá reikningum að það rann blátt heldrimanna blóð um æðar hanns því náunginn var Friðrik krónprins og grunsamlegu náungarnir voru lífverðirnir.

Eins gott að ég henti þeim ekki út.

Eiturefnaárásin reyndist chili-pottur

Nú er ég hættur að skilja

"Ekki er fyrirsjáanlegt að vandinn leysist fyrr en með tilkomu nýs hjúkrunarheimilis í Mörkinni"

 Ég fæ ekki skilið hvernig nýtt hjúkrunarheimili leysir vandan þegar vandin er að það vantar starfsfólk í þau hús sem eru til staðar?????

 

 

 

Mannekla og breytingar

Öruggast að forðast Íslenska fánann

Ég öfunda þær þjóðir sem geta verið óttalaust stoltar af sínum þjóðfána og geta flaggað honum áhyggjulaus þegar þeim sýnist

Ég væri löngu búin að fá mér fánastöng og myndi flagga íslenska fánanum daglega ef ég mætti gera það án þess að vera bundin við það að vera staddur við flaggstöngina á þeim tímum þegar sólin sest, og ef fáninn snertir jörðina, verð ég að brenna hann eftir því sem ég best veit, hversu óhugnanlegt sem það er að brenna þjóðfána. annars hefði ég haldið að Íslenski fáninn tilheyrði íslenskri jörð.

eftir því sem ég best veit er ekki langt síðan að það varð hægt að fá leyfi til að nota íslenska fánan á Íslenskar vörur.

Ég sem Íslendingur er skíthræddur við Íslenska fánan og forðast það í lengstu lög að nota hann svo ég þurfi ekki að eiga það á hættu að vanvirða hann í ógáti.

Þegar ég rak kínarúlluvagnin á lækjatorgi fékk ég stundum spurningu frá ferðamönum hvort Íslendingar skömmuðu sín fyrir fánan sinn því hann var vart sjáanlegur.

Það væri mín ósk að létt væri á fánalögunum svo við mættum vera stolt af fána okkar og flagga honum óttalaus allan sólahringinn og þurfa ekki að farga honum þó að hann snerti fósturjörðina.

Fáninn gleymdist

Við erum allt of lyfjaglöð

Ég trúi því að öll lyf hafi aukaverkanir sem koma fram líkamlega eða andlega nema hvoru tveggja sé.

Lyf eru bráð nauðsynleg í mörgum tilfellum en allt of oft leitum við að skyndilausnum í lyfjum, sem auka á vanlíðan þegar lengra dregur, frekar en að notast við hægvirkari en varanlegri lausnir svo sem breitt mataræði, aukna hreyfingu eða hvíld. ekki má gleyma nuddi og það sem stendur mér nærst Thai nuddi sjá: http://bogi.blog.is/blog/bogi/entry/321071/ sem er mjög öflugt nudd og getur verið sársaukafullt í fyrstu ef skrokkurinn er í slæmu ásigkomulagi.

Nálastungur bestar til að lina bakverki

Thai nudd

Hefðbundið taílenskt nudd er þekkt fyrir að hafa græðandi áhrif á mannslíkamann. Uppruna þess má rekja 2500 ár aftur í tímann til indverska læknisins Jivaka Kumar Bhaccha  sem var samtíðarmaður Búdda. Kenningar hans hafa líklega borist frá Indlandi til Taílands á sama tíma og Búddatrúin, tveimur eða þremur öldum fyrir Krist. 

Grunnhugmyndin á bak við nuddið er að auðvelda flæði orku um líkamann. Þessu svipar til jógaheimspekinnar en samkvæmt henni streymir lífsorkan (Prana) um orkubrautir (Prana Nadis) í líkamanum  Í taílensku nuddi eru tíu orkubrautir tilgreindar og á þeim eru mikilvægir orkupunktar sem ná til allra líffæra. Með því að nudda þessa punkta er hægt að meðhöndla hina ýmsu sjúkdóma og lina sársauka.  Truflanir á orkustreymi líkamans leiða til sjúkdóma. Nuddið losar þessar stíflur, örvar flæði lífsorkunnar og endurnærir líkama og sál.  Ólíkt vestrænu nuddi snýst taílenskt nudd ekki bara um líkamann sjálfan heldur einnig hinn svokallaða orkulíkama. Í vestrænu nuddi eru vöðvarnir nuddaðir en í taílensku nuddi er þrýst á orkupunkta í staðinn. Einnig er mikið erum teygjur líkt og í Hatha jóga og er nuddið því stundum kallað jóganudd.
     
Taílenskt nudd er nátengt kenningum Búdda og lengst af var nuddið aðeins kennt og iðkað í Búddamusterum. Enn þann dag í dag er virtasti nuddskóli Taílands í klaustri í gamla konungsgarðinum í Bangkok  Góður nuddari framkvæmir nuddið í hálfgerðu hugleiðsluástandi og byrjar á því að fara með bæn til þess að ná að einbeita sér að heiluninni. Þetta hugleiðsluástand er nauðsynlegt til þess að auka næmni nuddarans fyrir orkuflæðinu.

Taílenskt nudd hefur átt auknum vinsældum að fagna undanfarin ár enda hefur áhuginn á óhefðbundnum lækningum farið sívaxandi. Taílendingar sjálfir hafa verið að enduruppgötva þessa ævafornu nuddaðferð sem er m.a. talin hafa góð áhrif á astma, hægðatregðu og vöðvabólgu svo fátt eitt sé nefnt auk þess sem það er notað til endurhæfingar eftir hjartaáföll og heilablóðföll.  Vestrænir læknar sjúkraþjálfarar, nuddarar og jógakennarar streyma til Taílands til þess að læra nudd og bæta við þekkingu sína enda taílensk nuddmeðferð spennandi valmöguleiki við hefðbundnari læknismeðferðir.

 

Alsæla opnar

Loksins loksins er komið að því að ég get opnað Alsælu spa.

sjá: http://www.1960.is/iceland/spa.htm

   

Ég hef verið að bíða eftir að fá að ráða kunnáttumanneskju frá Thailandi til starfa síðan í apríl 06 og spahúsið hefur staðið tilbúið frá því í júní 06 en hef ekki geta byrjað fyrr því stjórnvöld hafa ekki talið að ég þurfi á kunnáttumanneskju að halda sem er utan ESS svæðis þó engin hafi fundist síðastliðið ár þrátt fyrir auglýsingar hér og á ess svæðinu.

Ég var svo heppin að Íslenskur maður giftist í vor Thailenskri konu sem býr yfir hluta þeirra þekkingar sem ég þarf. (það er einkennilegt að atvinnuöryggi fyrirtækis míns er undir því komið hvort landinn velji sér "rétta" maka) þannig að nú get ég opnað með hluta af þeirri þjónustu sem ég kem til að bjóða upp á þegar ég fæ að ráða sérfræðinginn, en umsóknaferlið og kæra í kjölfarið hefur staðið í vel á annað ár og ekki útséð um það ennþá.

Einn er betri en engin

Einn er betri en engin, verðum við ekki að sætta okkur við það fyrst við metum það meira að safna saman peningum til að hafa það "gott" heldur en að vera meira með þeim sem skipta okkur öllu máli í lífinu.

Væri ekki manneskjulegra að leyfa öldruðum foreldrum eða ættingjum að búa hjá okkur og aðstoða okkur við uppeldið.

kv Bogi

Einn Íslendingur á leikskóladeild