apartheid

Við Íslendingar getum þakkað fyrir það að Thailendingar eru ekki þrúgaðir af þeirri aðskilnaðarstefnu sem hrjáir ráðamenn útlendingamála hérlendis, í garð fólks utan Evrópusambandsins.

það er engin hægðaleikur fyrir almennan Thailenskan ferðamann að fá vegabréfsáritun til að heimsækja Ísland.

Ef okkur Íslendingum myndi mæta sú tortryggni og lítilsvirðing sem Thailendingar þurfa að sætta sig við til að reyna að fá vegabréfsáritun, þá yrði okkur stórlega misboðið.

Ráðamenn komið fram við náungann eins og þið viljið að komið er framm við ykkur.

Til Taílands á sjúkrahús

Athugasemdir

[Júlíus Valsson, 13.9.2008 kl. 22:52]

Orð í tíma töluð Bogi!

Kveðja,

Julius

[Gunnar Kr., 13.9.2008 kl. 23:13]

Þú hittir naglann á höfuðið, Bogi. Það er svo mikil hræsni hjá íslenskum yfirvöldum gagnvart Thailensku ferðafólki. Ef Thailendingur vill koma hingað sem ferðamaður, skilst mér að það sé nánast ómögulegt, nema hann sé yfirstéttarmaður með milljóna bankaábyrgð.

En svo hleypa íslensk yfirvöld glæpagengjum frá Litháen og víðar hingað... þar sem ruddarnir geta brotið af sér... og svo er þeim hleypt úr landi án þess að nokkur viti af þeim. Eru þeir sem stjórna þessu einhverjir kjánar? Ég er farinn að hallast að því.

Gangi ykkur vel með Hlið. Hefur mákona þín loksins fengið heimild yfirvalda til að koma?

[Bogi Jónsson, 14.9.2008 kl. 00:41]

Takk fyrir Júlíus

Gunnar atvinnu og dvalarleyfið sem ég sótti um fyrir hana þann  18. apríl 2006 er enn í ferli (án nokkurs stopps af mínu hálfu) , það tók um 9 mánuði að fá neitunina þá er næsta skref að kæra til félagsmálaráðuneytisins það tók aðra 9 mánuði að fá staðfestingu um að þeir stæðu við fyrri neitun vinnumálastofnunar, þá var næsta skref að kæra til umboðsmanns alþingis það tók umboðsmann enn aðra 9 mánuði að fá gögnin frá félagsmalaráðuneytinu en úrskurður umboðsmanns er ekki komin enn.

það er eitthvað bogið við það að það taki rúmar þrjár meðgöngur og 3 félagsmálaráðherra að fá til starfa manneskju með sérþekkingu sem sannarlega var ekki hægt að fá hérlendis né á EU svæðinu þrátt fyrir mikla leit og auglýsingar á evrópska atvinnuvefnum hjá vinnumálastofnun. Thailenska spa húsið mitt stóð ónotað í um tvo ár, með tilheyrandi kostnaði, vegna þess að hæfur starfsmaður fannst ekki

Það hefur hvarflað að mér hvort ástæðan fyrir þessari ótrúlegu þvermóðsku stafi af því að ráðamenn hafi ákveðið að thailenskt spa sé ekkert annað en vændishús, en vissulega eru til dæmi um það í Evrópu og víða, þeir hafa væntanlega persónulega reynslu af því, varla byggja þeir skoðanir sína á fordómum?

[Bogi Jónsson, 14.9.2008 kl. 00:49]

ég er nýbúin að fá hæfa manneskju til starfa þannig að spaið er opið núna. En hvað skeður ef starfsmaðurinn ákveður að skipta um starfsvettfang eða veikist þannig að hann verður að hætta að vinna Loka spainu í allavega 3x9 mánuði og sjá til hvort ráðamönnumfynnst vera í lagi að ég fái hæfan starfsmann

Hvaða fyrirtæki getur staðið undir slíkum afarkostum???

[Sigurður M Grétarsson, 14.9.2008 kl. 10:30]

Ég þekki eitt dæmi og hef heyrt um annað þar, sem það tók meira en ár að fá atvinnuleyfi fyrir tælenskar konur eftir að þær voru búin að giftast Íslendingum. Ég hef einnig heyrt um Íslending, sem giftist tælenskri konu úti í Tælandi og hefur alla pappíra um það en síðast þegar ég vissi var liðið meira en ár frá giftingunni og hann ekki enn búin að fá heimild til að koma til Íslands með konuna sína.

Það er eitthvað stórlega skrítið í starfsemi Útelndingastofu. Þar ná þeir ekki einu sinni hraða snigilsins. Ég hef sjálfur þurft að eiga við þá stofnun og þekki marga, sem hafa þurft að gera það og eftir mína reynslu og þeirra finnst mér eins og þar sé verið að gera í því að bregða fyrir menn fæti þegar verið er að reyna að fá fyrirgreiðslu fyrir fólk frá löndum utan EES.

[Bogi Jónsson, 14.9.2008 kl. 11:51]

Takk fyrir athugasemdina Sigurður

Já það eru mikil hugsvik (svo maður reyni nú að nota fallegt orð)í gangi hjá vissum áhrifamiklum aðilum innann bæði Útlendingastofu og Vinnumálastofnun. ég hef heyrt um ótal dæmi sem almenningur myndi aldrei trúa nema hann hafi gengið í gegn um það sjálfur eða einhver náin honum.

Þegar þeir aðilar sem koma að áritunarferlinu vinna með þeim formerkjum, frá fyrsta degi, að leita allra mögulegra og ómögulegra ráða til að neita áritun þá er eitthvað að

það hefur sýnt sig að suðaustur Asía og Afríka er sérstaklega illa séð (getur það verið að eftir því hvað hörundsliturinn dökknar eu minni líkur á áritun)