Vinur litla mannsins verslar í Fjarðakaup

Uppáhalds stórmarkaður minn er Fjarðakaup, og ég er ekki frá því að þar spilar inní að hann tilheyrir hvorugum matvöruverslunarrisunum Kaupás né Högum, en kannski er það vegna þess að það er einna styðst hjá mér í Fjarðakaup

Kemur ekki á óvart

Athugasemdir

[Óskar Þorkelsson, 19.12.2008 kl. 19:25]

fjarðarkaup er einfaldlega besta matvöruverslun landsins.

[Birgir Guðjónsson (IP-tala skráð) 19.12.2008 kl. 19:32]

Allavega EKKI versla hjá högum !

Refsum þeim ! Þessi úrskurður sýnir hvaða aðferðir þeir nota !

[Bogi Jónsson, 19.12.2008 kl. 20:18]

Óskar þú hefur löngum verið Ólyginn

[Neytandi (IP-tala skráð) 19.12.2008 kl. 20:35]

Úrskurðurinn gengur út á skaðlega undirverðlagningu.  Þetta er þekkt erlendis og hafa fyrirtæki verið dæmd fyrir samskonar brot þar.  Ég hef lengi beðið eftir að sjá niðurstöðu í þessu máli og fagna niðurstöðunni. 

Ekki vegna þess að Krónan eða Nettó séu eitthvað betri en Bónus heldur vegna þess að kaup á markaðshlutdeild með þessum hætti eru stórvarhugaverð.  Markaðshlutdeild Bónus hefur leitt til þess að þeir nýta sér óspart stærðina til að beita birgja þvingunum í krafti stærðar.  Að sjálfsögðu til að lækka verð en staðreyndin er sú að það er alfarið undir þeim komið hvort vörur séu inni eða úti í Bónus og sökum stærðar Bónus er þetta í mörgum tilfellum spurning hvort vara sé til á markaðnum hér eða ekki.  Þetta getur t.d. átt við um vörunýjungar hjá innlendum framleiðendum og ef varan er ekki inni í Bónus getur verið erfitt að koma vörunni að hjá neytendum.

Ábyrgð markaðsráðandi aðila er því mikil.

Það er erfitt fyrir aðra eins og t.d. Fjarðarkaup að keppa á þessum markaði.  Enginn birgi getur boðið þeim sama verð og Bónus eða Högum, því ef það er gert þá ertu fljótur að heyra það frá þeim aðila með tilheyrandi hótunum.

Ég ætla þó að versla áfram í Bónus, Krónunni, Nettó, Fjarðarkaup og reyni að dreifa verslunni.  Það er ein verslun sem ég fer aldrei til að versla og ráðlegg öðrum með - EKKI VERLSA í 10-11 !  Verðlagningin þar er með þeim hætti að það er mun ódýrara að versla í næsta söluturni heldur en að detta þarna inn.   Þess fyrir utan þá kaupir 10-11 vörur inn frá birgjum á sama verði og Bónus í gegnum Aðföng (dótturfyrirtæki Haga) !  Fáranleg álagning og þarna græða Hagar mest.

Þegar Eiríkur í 10-11 átti og rak keðjuna þá auglýsti hann hverfisverslunin þín á stórmarkaðsverði og þá var mun minni verðmunur milli Hagkaups og Bónus en í dag.   En þetta mörgum árum síðan og nú í eigu Haga þá er staðreyndin fáranlegt verð !

Góðar stundir og gleðileg jól !