Bogi Jónsson

14.12.2008 | 21:37

Setningar á friðakúluna

Ég var að hnoða saman setningum sem mér fannst eitthvað vit í og ætla að setja einhverjar þeirra á friðarkúluna. erfitt að ákveða.

Hér eru pælingarnar:

Til þess að friður og sátt ríki í heiminum þarft þú einungis að fá eina manneskju til að verða til friðs, ÞIG. Eftir því sem fleiri tækju þá ákvörðun yrði óhjákvæmilega meiri friður í heiminum.

Reyndu á hverjum degi að búa til þér til fallega fortíð.

Það sem aldrei hefur gerst áður getur alltaf gerst aftur.

Ekkert er svo slæmt að það hafi ekki eitthvað gott í för með sér. Jafnframt er ekkert svo gott að það hafi ekkert slæmt í för með sér.

Það eina sem þú þarft að gera til að ná árangri er að gera það.

Löngum er vaxtabroddur framfara.

Til þess að vera í sátt við aðra verður þú að kunna að sættast við sjálfan þig

Það er farsælast að vera þú sjálfur, því þú ert enginn annar.

Það er allt hægt, þetta er einungis spurning um vilja og stundum hverju þú vilt sleppa í staðinn.

Þú getur glaðst yfir því, að þeim mun meiri sem erfiðleikarnir eru þeim mun meiri lífsgleði öðlast þú að þeim loknum.

Allt sem kemur upp á er okkur til góðs, þó okkur finnst það mjög ósamgjarnt meðan á því stendur, þá komum við til með að meta það seinna á lífsleiðinni.

Flokkur: Bloggar | Facebook