Pínu betri í dag en í gær

Ég ætla að mæta á svæðið,

það verður gaman að sjá hvort maður lærir ekki eitthvað

það sakar ekki að verða pínu betri í dag en í gær, því lengi getur gott besnað.

 

P.S. Maður verður að hæla sjálfum, annars gerir það bara einhver annar.

„Mjög, mjög, mjög gott“

Hræddi Kolbrún lífið ur Líf ?

Það tíðkaðist hér á árum áður að hræða börn með Grílu, Og væntanlega eru hreindýr og hreindýrskálfar (jólasveinanna) orðin vön henni.

eitthvað enn nú hræðilegra hefur hrætt hana Líf það er spurnin hvað.

Dagar Lífar taldir

Eins og flóttaleið alkans

Sú tálsýn að allt lagist við það að ganga í ESB, finnst mér keimlík tálsýn alkans þegar hann sér það sem lausn að flytja til að losna úr því umhverfið sem hann telur alltaf draga sig á fyllirí.

reynslan er sú að hvert í heiminn sem alin flytur tekur hann vandamálið "sjálfan sig" með.

Það er ekki til neins, og oft eikur aðeins kvölina, að skipta um umhverfi. Það verður að taka á (vandamálini) verkefninu þó að það er hundleiðinlegt og að maður verði að "taka niður fyrir sig" á leið niður úr sjálfsblekkingar turninum.

Evrópusambandið bjargar ekki Íslandi

Herra alheimur með bumbu

Ég hef alltaf gaman af því að gera fólk undrandi, missa andlitið eða verða skringilegt á svipin, þannig að þegar ég er að versla fyrir fyrirtæki mitt, og afgreiðslumanneskjan nefnir nafn þess Alheimur ehf, þá bæti ég stundum við "og þar að leiðandi er ég herra alheimur" þó að ég er með bumbu

 

Horuð eða falleg?

Ástþór á undan sinni samtíð eða landinn á eftir sinni samtíð?

Eftir að hafa kynnt mér það fyrirkomulag sem Lýðræðishreyfingin boðar, til aukinns almenns lýðræðis, sjá á heimasíðu þeirra www.xp.is, þá er ég viss um að svona lagað kerfi kemur til með að vera framtíðin .

Hins vegar á landinn erfitt með að meðtaka það, því það felur í sér svo gagngerar breytingar. Það er ljóst að Lýðræðishreyfingin er á undan sinni samtíð eða við íslendingar á eftir okkar samtíð.

Okkur vantar nokkra svona ofuröfluga Ástþóra til að vekja okkur af "þetta reddast einhvernvegin af gömlum vana" draumnum.

Það er oftar en ekki óþægilegt að uppgötva sannleikann, og þau huldu öfl sem eru við stjórnvölinn. Að menn þurfi að standa í endalausum kærum og fá kosningaeftlitið hingað, til þess að fá að vera með, er alveg skelfilegt 

Í alla vegagerð þarf grófa stórvirka vinnuvél til að riðja verstu hindrununum úr vegi, svo fínni vinnuvélar geta unnið sitt verk, til að aðrir geti auðveldlega náð áfangastað. 

Heitir á stuðning þjóðarinnar

Ástþór á undan sinni samtíð eða landinn á eftir sinni samtíð?

Eftir að hafa kynnt mér það fyrirkomulag sem Lýðræðishreyfingin boðar, til aukinns almenns lýðræðis, sjá á heimasíðu þeirra www.xp.is, þá er ég viss um að svona lagað kerfi kemur til með að vera framtíðin .

Hins vegar á landinn erfitt með að meðtaka það, því það felur í sér svo gagngerar breytingar. Það er ljóst að Lýðræðishreyfingin er á undan sinni samtíð eða við íslendingar á eftir okkar samtíð.

Okkur vantar nokkra svona ofuröfluga Ástþóra til að vekja okkur af "þetta reddast einhvernvegin af gömlum vana" draumnum.

Það er oftar en ekki óþægilegt að uppgötva sannleikann, og þau huldu öfl sem eru við stjórnvölinn.

Í alla vegagerð þarf grófa stórvirka vinnuvél til að riðja verstu hindrununum úr vegi, svo fínni vinnuvélar geta unnið sitt verk, til að aðrir geti auðveldlega náð áfangastað. 

Framboð P-lista úrskurðað gilt

Thailendingar aðeins á undan okkur í ferlinu

Það er merkilega margt líkt með ástandinu í Thailandi og hér heima

Í óeirðunum í fyrra vildi fólkið koma ríkisstjórnar flokkunum frá því þeir voru ekki að standa sig, stjórnarandstöðu flokkarnir höfðu svör við öllu og  ætlaði að laga hlutina þeir þyrfti bara að komast að og losa þjóðina við vanhæfu ríkistjórnina, stjórnarandstöðu flokkarnir stýrðu og stjórnuðu mótmælunum og komust í ríkisstjórn.

Nú þegar fólkið hefur áttað sig á að þetta er sami grauturinn en aðeins borin fram í öðruvísi skál, verður allt vitlaust aftur og nú með stuðningi og stjórn núverandi minnihluta flokka.

Ég hef sterka tilfinningu fyrir því að sama eigi eftir að gerast hjá okkur, og í kjölfarið áttar fólk sig á að eina raunhæfa leiðin til að koma ró og sátt í þjóðfélagið er að losna við flokkastjórnun og koma á einarðlegu persónukjöri og virku lýðræði, í anda hinna tveggja nýu framboða, XP og XO, sem almenningur er því miður enn hrædd við (því það er í mannlegu eðli að hræðast gagngerar breytingar)

ég set nafn mitt við XP lýðræðishreyfinguna því þar er farið rótækari stefna til lýðræðis, og þrátt fyrir að búið sé að útmála mest áberandi nanneskju hreifingarinnar sem geðsjúkling í fjölmiðlum.

Ferðaviðvörun ekki gefin út

Athyglisvert bréf sem ég fékk um daginn

Læt það fylgja hér að neðan:

 Ég var að grúska í gamalli skruddu og komst að því að það er fátt nýtt í þessari kreppu núna, sagan endurtekur sig svo sannarlega. Í heimskreppunni sem skall á um 1930 voru forfeður Björgúlfanna einmitt aðalstórbokkarnir hér rétt eins og nú, Íslandsbanki fór þá á hausinn eins og nú, Framsóknarflokkurinn kom sér allstaðar að og hefur ekkert endurnýjast, þar eru enn kvistir af sama tré að spíra nú og þá réði ríkjum í flokknum. Vinstriflokkarnir hafa að vísu skipt um nöfn, en stefnan hefur lítið breyst, þeir horfa enn í austur en nú er ekki til Stalín eða CCCP þannig að þeir stefna á ESB eða Noreg. Og þar eru nú virðulegir öldungar við völd í báðum flokkum eftir rússneskar kosningar. Þá var tekið lán hjá Hambros bankanum í London fyrir skuldunum, nú er tekið lán hjá IMF fyrir skuldunum. Og rétt eins og Neró spilaði á fiðlu meðan Róm brann eruð þið flest
 ákveðin í að koma upp tónlistarhúsi eins og ekkert hafi í skorist svo þið getið spilað þar á ykkar pólitísku fiðlur meðan Ísland brennur á skuldabáli.


Það kom að því að einhver marktækur maður áttaði sig á því sem ég er nú fyrir nokkru búinn að skrifa ykkur um, að það er tóm heimska að reyna að styrkja krónuna. Margeir Pétursson segir að eina vitið sé að taka allan skellinn strax og leyfa krónunni að falla dáldið meira ef þörf krefur. Ég er alveg sammála þessu, þetta er það eina sem vit er að gera. En úr því að þetta er orðið ljóst og fer kannski að síast inn hjá fleirum bráðum þá fara menn auðvitað sem aldrei fyrr að heimta nýjan gjaldmiðil. Segja að krónan sé ónýt af því hún virki ekki eins og menn langar til. En þarna er nú annar heimskuþröskuldurinn sem þarf að koma mönnum yfir. Það er nefnilega ekkert að krónunni, hún er bara okkar gjaldmiðill, sem við notum til að ávísa á verðmæti okkar á milli. En um leið er gengi hennar gagnvart öðrum gjaldmiðlum mælitæki á okkar raunverulegu verðmæti,
 tekjur, gjöld, eignir og skuldir, nokkurs konar hitamælir hagkerfisins. Og í þriðja lagi er krónan líka eins konar sjálfstýring í hagkerfinu sem leitast við að halda því í jafnvægi. Undanfarin ár er búið að fikta við mæli og stýribúnað krónunnar og enn er verið að gera það með okurvöxtunum og gjaldeyrishöftunum. Og það er þess vegna ekkert annað en heimskuþröskuldur sem þarf að koma fólki yfir þegar það heldur að það sé einhver töfralausn að losna við gjaldmiðilinn, mælitækið og sjálfstýringuna, krónuna. Það gerir bara illt verra, rétt eins og henda hitamælinum og lyfjunum til að lækna sjúkling. Nú er ástandið þannig að það er lengi búið að falsa gengi krónunnar með fjársvikum og okurvöxtum og fá fullt af peningum lánaða inn í landið, eyða þeim að hluta hér í misvondu braski og gambla með restina í útlöndum og tapa henni þar auk ómældra peninga úr
 lífeyriskerfinu og öðrum verðmætum sem nú eru horfin. Samtals tókst að tapa meiri peningum en til voru í landinu alls, þar með talið bankainnistæður, lífeyrissparnaður, fé Seðlabankans og fé undir dýnum og í sparibaukum til samans. Afleiðingin er að hagkerfið er helfrosið. Krónan sem hitamælir hagkerfisins sýnir það líka ágætlega núna þó enn sé verið að falsa gengi hennar, en að halda að ástandið lagist með því að skipta um hitamæli hagkerfisins er bara eðalheimska.

Það var bara nokkuð gaman að hlusta á kosningasjónvarpið í kvöld. Ekki er hægt að segja að sá sem oft hefur gengið undir nafninu jólasveinninn, Ástþór Magnússon, sé beinlínis geðþekkur, virðulegur, hófstilltur eða smeðjulegur eins og stjórnmálamenn eru venjulega fyrir kosningar, en að öðru leiti átti hann þáttinn, var eini maðurinn sem reis upp úr meðalmennskumoðinu og sýndi að hann vissi hvað hann er að tala um.
Það er allavega ljóst að hann er eini stjórnmálaforinginn sem greinilega skilur til fulls vandann sem við er að eiga, orsakir hans og hvernig þarf að vinna í vandamálunum til að leysa þau sem best. Það má segja að það sé að því leytinu gott að hann er ekki forseti að kraftar hans eru allavega á lausu þjóðinni til gagns. En mig rennir nú samt í grun að þjóðin sé nú almennt ekki nógu vel gefin til að grípa gæsina þegar hún gefst og bitastæður frambjóðandi kemur fram og að þingferli Ástþórs ljúki því áður en hann byrjar. Synd og skömm er það.
En rýnum þá betur í efnisatriðin. Ástþór sagði réttilega efnislega að það ætti að vera löngu búið að stinga inn þessum bófum sem eru búnir að stela öllu af þjóðinni, það myndi sýna umheiminum að hér væri vilji til að taka á málinu. Hann sagði réttilega að það þurfi að drífa í gang fjölbreytta atvinnustarfsemi og var þar með ákveðnar tillögur, hann sagði að það þurfi að búa til meiri verðmæti í þjóðfélaginu úr þeim hráefnum sem við höfum nú þegar, hann sagði að krónan væri ekki ástæða hrunsins á nokkurn hátt, sem er alveg rétt hjá honum, gengi hennar væri hins vegar einkunnabók um liðna hagstjórn. Þetta er algjörlega rétt hjá honum. Hann hafði ekki svör við öllum hlutum en vill leita ráða reyndra og öflugra fjármálamanna og sérfræðinga, nefndi George Soros í því skyni, ekki er það nú svo vitlaust. Hann vill koma á betri tengingu almennings
 og alþingis og fækka á þingi og ráða fagmenn í ríkisstjórn, það skilja þetta nú flestir, ekki síst á tímum þegar þarf að fara vel með og við höfum ekki efni á venjulegum leikaraskap í þingi og ríkisstjórn.
En hvað sögðu hinir formennirnir? Þeir náðu ekki allir til samans að átta sig á þessum einföldu og augljósu grunnatriðum þó nokkuð af þessu kæmi þó líka frá þeim í bland við allskonar óraunhæfa óskhyggju og aukaatriði og jafnvel rangfærslur sem þeir hentu í áhorfendur. Þar bar hæst þá óskiljanlegu villu Steingríms að halda því fram að atvinnuleysið muni tæplega ná 10% í mesta lagi þó það sé nú skv. nýjustu tölum þegar komið í um 11,3% af vinnuafli og hundruð í viðbót á leið á atvinnuleysiskrá eftir uppsagnir marsmánaðar. Atvinnuleysið er raunar þegar komið í um 6% af íbúafjölda landsins þegar allir eru meðtaldir, líka látnir og ófæddir á árinu!! Jafnvel þessi óvanalega viðmiðun að telja látna og ófædda með er ekki trygging fyrir því að prósentuútreikningur Steingríms standist þegar kemur fram á árið. Þannig að ekki virðist á góðu von
 þaðan á næsta kjörtímabili. Reyndar virtust sumir halda að þeir séu búnir að redda málunum að mestu og virtust aðallega vera að spá í stjórnarbrúðkaupsferðina til Evrópu sem þeir stefna á nú þegar trúlofuninni á að ljúka með giftingu á kjördag. Hverjir eru nú jólasveinar?

Það er reyndar þannig að mér datt líka í hug Jörundur hundadagakóngur eftir framboðsþáttinn í Sjónvarpinu í gær. Fannst mér við nánari umhugsun að allnokkuð væri líkt með þeim Ástþóri og Jörundi. Allavega það að hvorugur fellur vel í hópinn eins og sagt er. Þegar Jörundur kom hingað var hann í för með enskum kaupmanni og vildu þeir versla við Íslendinga og buðu þeim mun betri og sanngjarnari viðskipti en Danir. En Danir einokuðu verslun við landið í þá daga og notuðu Ísland aðallega sem fjarlæga matarkistu til að brauðfæða sína þegna ódýrt. Og verðlagningu fyrir bæði aðföng og afurðir var þannig hagað að útilokað var að Íslendingurinn græddi eitthvað á þeim viðskiptum, enda fékk hann ekki um verðin ráðið. Nú þegar Jörundur og félagar komu og vildu bjóða betri kjör stóðu bæði kúguð stjórnvöld og þáverandi Danskir kaupmenn í landinu auðvitað
 saman í að halda áfram að maka krókinn og koma í veg fyrir þessa fáheyrðu vitleysu að einhver ætlaði að eiga sanngjörn viðskipti við Íslendinga. Jörundur og Englendingarnir fengu sem sagt ekkert að versla hér og að lokum sló í brýnu þannig að nokkrir menn voru læstir inni og það var kallað að Jörundur hefði hertekið landið.
Annars virðist Jörundur hafa verið vel meinandi maður þó hann sé nú enn oft hæddur á Íslandi. En Íslendingar kunna ekki alltaf gott að meta nú frekar en áður. Þó komst hann oft í vandræði um dagana, gjarnan vegna brennivínsdrykkju og kvenna. En á hinn bóginn eru fáir sem snjallari voru að bjarga sér og öðrum úr vandræðum en Jörundur. Hann var afburða skipstjórnarmaður og sýndi það með frækilegum björgunum á sjó svo að nútíma björgunarlið með öllum sínum tækjum og búnaði gerði vart betur, hann var framúrskarandi læknir og bjargaði sem slíkur tugum manna bæði á landi og sjó svo skjalfest sé og líklega mun fleirum. Landkönnuður var hann góður og kannaði óbyggðir Ástralíu um nokkurra ára skeið við góðan orðstí. Líklega má í þeim flokki skipa honum á bekk með Vilhjálmi Stefánssyni, okkar frægasta landkönnuði og Bjarna Tryggvasyni geimkönnuði sem við viljum
 eiga í líka. Harður af sér var hann, bráðgreindur, duglegur og úrræðagóður og sískrifandi. Eftir hann liggur talsverður menningararfur í skrifum hans. Botninum náði hann þegar hann fékk líflátsdóm fyrir landráð sem tengdust þáttöku í stríðsbrölti Englendinga og Dana, en hann gerði líkt og forfaðir minn, Egill Skallagrímsson, sem orti sína Höfuðlausn, og losnaði úr þeirri klípu þó hann þyrfti annað til en gott kvæði. Hann varð að lokum héraðsstjóri í Áströlsku héraði þar sem hans er enn minnst með mikilli virðingu. Þó Jörundur sé enn hafður að háði og spotti á Íslandi er það staðreynd að um hann hafa nú verið skrifaðar fleiri bækur, bæði titlar og eintök, en um nokkurn Íslenskan stjórnmálamann síðari tíma, allt frá Jóni Sigurðssyni til Ólafs Ragnars.
Mér sýnist að Ástþór Magnússon sé á margan hátt svipuð týpa og Jörundur, þó hann beiti sér á öðrum sviðum, og að Íslendingar muni gæta þess að frægðarsól hans rísi örugglega ekki hér. Slíkur er enn máttur útskúfunar og meðalmennsku, auk þess sem aðrar aðstæður virðast í raun hafa lítið breyst. Nú eru það bara glæpamenn, álhringir og jöklabréf sem einoka landið með dyggri aðstoð stjórnvalda í stað Dananna áður.

Alþingisbrandari vikunnar er líklega rannsóknarnefnd þingsins sem sagði frá því í sjónvarpinu að hún væri nú að fara að boða bankastjórana í viðtöl út af því af hverju allt var orðið þurrausið hjá þeim í haust. Forsvarsmenn nefndarinnar sögðu ábúðarfullir á þá leið að þeir ætluðu að ræða við bankastjórana þegar málið væri orðið greinilegt af skriflegum heimildum úr bönkunum. En upplýstu jafnframt að þeim þættu glæpirnir ekki nógu vel skjalfestir í bönkunum og þetta tefði rannsókn!! Þannig að skilja mátti sem svo að kannski verði löng bið á rannsókn af því bankamenn hafi ekki gætt þess að fara að reglum við skráningu glæpanna!!!!!!!!
Halló, Halló, vakna þú mín ÞYRNIRÓS JÓHÖNNUDÓTTIR. Nú er þingheimur í vondum málum. Ef þetta er tilfellið þá er bara tvennt í stöðunni. Annað hvort eru einhverjir alveg svakalega vitlausir eða svakalega spilltir. Ef menn eru bara svona svakalega vitlausir hefur ekki þurft að spilla þeim og þá er þetta auðskilið. En ef þeir eru svona svakalega spilltir eru þeir samt alveg svakalega vitlausir að halda að enginn sjái gegnum svona þunnar rannsóknaraðferðir. Og á þessi nefnd ekki að koma málum áfram til sérstaks saksóknara ef ástæða þykir til. Hann verður nú löngu kominn á eftirlaun áður en eitthvað kemur frá svona nefnd. En kannski eru menn hvorki spilltir eða vitlausir, er það ekki bara brandari að þið séuð yfirhöfuð að láta rannsaka eitthvað???

Smá sértæk áminning um stýrivextina og skuldir heimila.
Það er margbúið að tyggja í þjóðina að stýrivextirnir hafi verið hafðir svona háir til vinna á móti verðbólgu þó nokkrir skynsamir menn hafi fyrir árum síðan áttað sig á að þannig virkuðu hlutirnir samt alls ekki. Nú hefur verðbólgan ekki minnkað, HELDUR ER HÚN ALVEG HORFIN – FARIN FRÁ OKKUR -NÚ ER VERÐHJÖÐNUN – ÞYRNIRÓS JÓHÖNNUDÓTTIR, og þá spyr maður af hverju eru ekki lækkaðir stýrivextir???? Sleppum að taka með þetta auma eina % um daginn. Það var ekki raunveruleg lækkun eða lækkun yfirleitt, heldur alvarleg áminning um að við höfum vanhæfa ríkisstjórn. Hvaða afsökun á nú að nota fyrir okurvöxtunum, varla eru þeir lengur Davíð að kenna?? Ég vil fá að heyra þá afsökun. Og úr því vandinn var m.a. sagður að þið höfðuð enga stjórn á Davíð í Seðlabankanum af hverju í andskotanum voruð þið þá svo vitlaus að setja þangað aðra menn sem þið
 hafið greinilega enga stjórn á heldur?? Hvaða skrípaleikur er þetta allt saman?? Eru eintómar vofur á þingi?
Nú er það staðreynd að ríkisstjórnin ÞYRNIRÓS JÓHÖNNUDÓTTIR heldur hér upp skuldaverðbólgu með stýrivöxtunum þó önnur verðbólga sé farin. Þurfið þið lengur að efast um að okurvextir valdi verðbólgu?
Það er grátlegt að hlusta á Jóhönnu þegar hún stærir sig af hækkuðum vaxtabótum, 170 þúsund kall á ári takk. Í skuldaverðbólgunni sem þið haldið nú uppi nægir þetta ekki á móti okurvöxtum af einni milljón, hvað þá meiru. En Jóhanna hefur áður sýnt hvað hún getur verið snjöll á þessu sviði. Það var þegar hún bjó til húsbréfakerfið. Þá var nú ekki vandamálið að búa til kerfi til að lána fólki til íbúðakaupa og svo var strax stolið af lánunum um 20% í afföllum fyrir bankakerfið. Það er skemmtileg tilviljun hvað það stendur í Jóhönnu að gefa eftir 20% núna, þegar menn vilja láta afföllin ganga í hina áttina.

Töframaður Steingríms.
Steingrímur óskaði þess í framboðsþættinum að hann gæti fengið einhvern töframann til að hjálpa sér með fjármálin. Það eru auðvitað engir slíkir menn í boði en mér sýnist að ágætis þumalputtaregla gæti verið sú að hann ætti að gera helst þveröfugt við það sem honum sýnist sjálfum skynsamlegt t.d. þetta:
1. Enga meiri peninga í BYR fyrir þá sem rændu hann. Láta þá bara skila ránsfénu.
2. Hætta að hvíla hneykslin öll í nefndum, grípa frekar til harðra aðgerða.
3. Hætta að standa á okurvöxtunum, fara með stýrivexti í núll núna svo það fari ekki hvert einasta heimili og fyrirtæki á hausinn.
4. Hætta að miða allt út frá hagsmunum fjármálakerfisins einum saman, þjóðfélagsþegnar voru ekki búnir til til að þjóna þessu kerfi. Ég hefði aldrei trúað að þú gætir orðið svona dyggur þjónn HARÐASTA KAPÍTALISMANS! Það þarf varla að hafa miklar áhyggjur af fjármálakerfi sem hefur verðtryggingu, okurstýrivexti, breytilega vexti, einhliða samningsskilmála, bankaleynd, hundruð hagfræðinga og lögfræðinga, skattaskjól, gerfifyrirtæki, huliðshjálm, krosseignarhald í þrívídd, spillingu, shejk, bónusa, kaupauka, alþjóðlega útbreiðslu, neyðarlög, margendurtekna gjaldþrotareynslu, þjóðarábyrgð, belti og axlabönd og nú ÞIG! Svo var þetta einkarekið kerfi! Ertu nokkuð að láta plata þig hér þegar þú hamast við að endurreisa ÞETTA??
5. Hætta okurvöxtunum svo menn geti farið að búa til störf aftur.
6. Fjármálakerfið og útrásarbullið brennur, það á alveg að hætta að slökkva í þessu með því að henda meiri peningum í bálið.
7. Viðurkenna staðreyndir og leyfa krónunni að balansera sig á hinu raunverulega og lága gengi svo stöðugleiki komist á, fyrr verður ekki hægt að byrja að byggja upp aftur af viti.
8. Ef þú vilt samt þrátt fyrir þessi ráð setja einhverja peninga í BYR eða aðra sparisjóði og fjármálastofnanir, væri þá ekki ráð að hugsa um að gera það þá kannski þannig að t.d. skuldug heimili fái peningana með þeim skilmálum að þau noti þá til að greiða niður bankaskuldir sínar, þannig má slá 2 flugur í einu höggi og lækka þá skuldir heimila með því að leyfa peningunum að hafa þar viðkomu á leið í bankann? Væri þetta eitthvað mál? Þannig fá hinir útvöldu sitt en aðrir njóta þess þó í leiðinni.

Ekki vil ég nú kenna ykkur stjórnmálamönnum um hvernig fór þannig að þó þið berið ábyrgð á breyttu fjármálakerfi og efnahagsumhverfi í landinu lagalega séð, þá held ég að þær breytingar hafi verið hugsaðar til bóta og hefðu getað orðið það. Hrunið er aðallega þeim að kenna sem keyptu bankana og notuðu þá til að ræna allt heila klabbið innanfrá, fjármálakerfið og þjóðina í heild sinni og setja hana í pant fyrir meiru þar að auki. En við máttum kannski öll vera betur á verði og sjá trixið í þessu, það hefði átt að hringja einhverjum bjöllum að þeir kölluðu sig ÚTRÁSARvíkinga. Það var nefnilega þannig að í gamla daga óttuðust menn INNRÁSIR víkinga en þetta nýja heiti gefur auðvitað ótvírætt til kynna að starfshættir víkinga séu breyttir.

Það er hins vegar allt í ykkar valdi hvernig er tekið á þessum óförum og það er ekki hægt annað en að vera stóryrtur og fúll þegar horft er á hversu hrikalega illa hefur tekist til hjá tveim ríkisstjórnum í röð.

- Það er ekkert verið að bregðast við atvinnuleysi sem er orðið 11,3% og á hraðri uppleið.
- Það er ekkert verið að taka á okurvöxtunum, raunstýrivextir eru nú hærri en nokkru sinni.
- Verðbólgan gafst upp og fór af sjálfu sér, þið takið ekki einu sinni eftir því.
- Það er ekkert verið að taka á öllum stórmálunum sem hafa komið upp á yfirborðið.
- Það er ekkert verið að hægja á gjaldþrotum fyrirtækja.
- Það er ekkert verið að taka á vandamálum heimila.
- Þið eruð bara í kosningaleik og þar stendur Ástþór Magnússon sig best! Ég furða mig á að þurfa að horfa upp á og viðurkenna þessa staðreynd.


Kveðja,
Jón P.

„Aðstæður bjóða upp á djarfari skref“

Besta lausnin er vel falin

Ég hef verið, til margra ára, tortryggin á alvald ríkisstjórnaflokka og sérstaklega ógnarvald þeirra ráðherra.

Ég datt niður á magnaða lausn fyrir nokkru sem er byltingakennd lausn á fámenningsvaldinu.

 það hefur verið reynt að grafa þessa lausn, því hún vekur að sjálfsögðu ótta hjá þeim flokkum sem eiga eftir að endurgreiða "greiða", þeim öflum sem hafa farið með eld og eyðingu yfir þjóðfélagið seinustu áratugi, ef lausnin yrði virkjuð myndu flokkarnir missa það ógnartak sem þeir hafa á þjóðinni.

Hin ólíklegustu öfl hafa lagt sig í líma við að gera helsta talsmann lausnarinnar að fígúru og hafa flaggað þeim neyðarúrræðum sem gripið hafa verið til til að vekja fólk til umhugsunar um lausnina.

Hér er Lausnin

 

Krafa um aukið lýðræði

Glöggt er græðgiyslaust gests auga

Rótækra breytinga er þörf,

í viðskiptum þurfa menn að taka áhættu þegar þeir veðja á hesta, því miður hafa lánadrottnar íslendinga veðjað of stórum upphæðum á þá hesta sem stóðu ekki undir væntingum.

Það hefur ekkert upp á sig að berja hestinn til óbóta eftir veðhlaupið og láta hann hlaupa þar til hann dettur dauður niður.

Ráðleggur Íslandi að neita að borga skuldir