Lokað hjá mér í 1 ár 3 mánuði og 24 daga

framhald frá því í gær .

ég fékk svar frá Bjarnheiður Gautadóttir lögfræðingur Félagsmálaráðuneyti / Skrifstofa jafnréttis- og vinnumála hún þakkaði fyrir gott heimboð en sagði að vegna anna sæi úrskurðanefndin sér ekki fært að koma.

Ég skrifaði henni til baka og spurði hana hvort ekki væri hægt að tæla nefndina til okkar með því að bjóða upp á smá hádegissnæðing svo hægt bæri að nýta ferðina til að næra sig í leiðinni.

Einnig sagði ég henni að neyð mín væri mikil og ég vildi allt gera til þess að úrskurðurinn verði samgjarn og réttlátur Ég sagði henni líka að það lætur engin einyrkja svona fjárfestingu standa ónotaða í meira en ár bara að gamni sínu.

Að lokum sagði ég henni að mér væri sannarlega nauðsyn að fá kunnáttumanneskju í thailensku nuddi og spa meðferðum hvort þá heldur að það er umbeðin mákona mín eða einhver annar, ég er búin að leita fyrir mér í á annað ár bæði hérlendis og á ess svæðinu en án árangurs. HVAÐ GET ÉG GERT!!??

ég hef ekki fengið svar við ofanrituðum póst en framhald af þessari langdregnu aðgerð á morgun

kv Bogi

Stórhættulegar þessar konur

Ég heyrði eitt sinn um mann sem fótbrotnaði eftir að hafa hent sígarettu í klósettið.

Sagan segir að kona mannsins hafi verið að lakka stól og þvegið pensilinn upp úr þinni síðan hellti hún þynninum í klósetið. Manni hennar varð eitthvað brátt í brók og fór á klósettið eftir að hafa tekið hraustlega á því við að koma sínum stykkjum í klósettið fékk hann sér sígarettu, þegar hann var búin með rettuna henti hann henni í klósettið og þá kom stórt búúúmmm og manngreið skaðbrenndist bæði á óæðri endanum og fermingarbróðurnum.

það var kallaður til sjúkrabíll og þegar sjúkraliðsmennirnir voru að bera hinn slasaða hálfberan niður stigan hlógu þeir svo mikið að óförum hans að þeir misstu hann og hann fótbrotnaði.

Þannig að það ætti að kenna fólki að það er stórhættulegt að reykja ef þú umgengst konur.

kv Bogi

Kona kveikti í fyrrum eiginmanni sínum

Naglaspýtur á Nýbýlavegi

Púff ég er að fatta það hvað ég er orðin gamall ég man eftir Nýbýlaveginum sem malarvegi (rauðamalarvegi) og maður heyrði í hljóðkúts lausum veghefli Kópavogsbæjar  löngu áður en hann birtist

ég er fæddur og uppalin við neðrihluta Nýbýlavegs og við félagarnir dunduðum okkur stundum við að grafa niður naglaspýtur í Nýbýlaveginn í þeirri von um að geta sprengt dekk á bílum :o( ég man reyndar ekki eftir því að það hafi tekist heldur bognuðu naglarnir.

ellismella upprifjunar kveðjur Bogi

Nýbýlavegur lokaður í dag

Gott á þá

Það eru margir sem hugsa að þeir sem hafa brotið eitthvað af sér og lenda í fangelsi eiga það bara skilið og það er nú erfitt að rengja það en í mínum huga þá á engin það skilið, hversu mikil mistök sem hann gerir í lífinu, að verða settur í mislanga geymslu án þess að þess að fá þá aðstoð sem til þarf til að geta unnið úr þeim hugsvikum sem komu honum í þessa aðstöðu.

Ég trúi því að langstærsti hluti þeirra sem sitja í fanga"geymslum" hefðu viljað vera lausir við þann verknað sem kom þeim í geymsluna og þá væri betrunarmeðferðarvist leið til úrbóta.

Ég trúi því líka að stærsti hluti fanga hafi lent í þessum ógæfuverkum undir handleiðslu Bakkusar konungs og meðstjórnenda hans. Hér á landi höfum við náð góðum árangri í að hjálpa þeim sem búi við þá hugarsíki sem Bakkus æsir upp og ætti ekki að vera stóra málið að koma þeirri hjálp að fullum þunga inn fyrir veggi fangageymslana en ekki með einhverju hálfkáki eins og ég hef á tilfinningunni að er í dag.

Það er gæfa fyrir okkur að fá þessa einstaklinga betri út en ógæfa að fá þá eins eða verri út.

kv Bogi

„Áhugi Alþingis á málefnum fanga er takmarkaður"

Lokað hjá mér í 1 ár 3 mánuði og 23 daga

enn hef ég ekki getað opnað spahúsið. Ég hef verið í sambandi við Hrannar B Eggertsson sem er aðstoðarmaður félagsmálaráðherra og nýlega orðin formaður innflytjendaráðs til að forvitnast hvernig staðan er með stjórnsýslukæru mína vegna neitunar á atvinnuleyfi fyrir thai nuddara og spa sérfræðing. Kæran hefur nú verið í kerfinu í rúmlega ár og og allt atvinnuleyfisferlið búið að standa frá því í apríl 2006.

Hann var ekki bjartsýnn fyrir mína hönd "þar sem mál sem þessi eru í afar föstum skorðum í ráðaneytinu" hvað sem það þýðir.

ég fór þess á leit við hann að ég fengi úrskurðarnefndina í heimsókn svo þau sæju með berum augum um hvað málið snýst en ekki einungis á pappír.

Svo er að sjá hvað skeður því ég vil ekki trúa því að ekki verði farið eftir því sem stendur í lögunum um skuldbindingar okkar við ESS að ef ekki finnst starfsmaður með þá kunnáttu sem til þarf á Íslandi eða ESS svæðinu er heimilt að ráða starfsman utan svæðis. ég er búin að leita bæði með auglýsingum og fyrirspurnum bæði hér heima og á ESS svæðinu í meira en ár án árangurs og tel ég það fullreynt.

vinnumálastofnun telur ekki þörf á starfsmanninum og bendir mér á að fara með Íslending til tælands og kenna honum nuddið ( þau orð dæma sig sjálf )

ég myndi líkja því við að ræki ég fyrirtæki sem byggi væri á að kynna þjóðlega arfleið okkar og væri með Thailending sem léki Gunnar á Hlíðarenda eða Jólasveina svarta á hörund ekki þætti mér ólíklegt að einhverjir risu upp á aftur fæturnar og fyndist þetta hin versta móðgun við land og þjóð.

kv Bogi

 

Djöv#%&#&#" ég sem hélt að ég fengi frið fyrir...

Þessi rannsókn veldur mér vonbrigðum, ég sem var að vonast til þess að uppúr 60 ára aldri myndi kynlífslöngunin fjara út og það hefði engin áhrif á mig lengur þegar ungar konur, sem eru búnar að leggja ómældan tíma í að setja upp veiðarfærin í formi efnislítilla  eða aðskorinna klæða, sem draga athyglina að þeim líkamshlutum sem við karlmennirnir eru hvað veikastir fyrir, og með málningu og öðrum hjálparefnum gera þær sig enn meira tælandi en þær eru í raun og veru.

þessar drottningar birtist manni að oftast að óvöru hvort sem það er úti að labba, í verslunarmiðstöðum, sjónvarpi eða blöðum. Ef þær gerðu sér grein fyrir hvaða óhemjusterku langanir þær vektu upp hjá flestum okkar þá myndu þær væntanlega segja við okkur, komdu nú hérna greyið mitt og kláraðu dæmið. 

 En að öllu gríni slepptu, konur haldið áfram að vera fallegar fyrir okkur því það er eitthvað það yndislegasta sem ég get augum litið er vel til höfð kona sem er í sátt við sjálfa sig, og þá skiptir aldur, hæð eða þyngd engu máli.

kv Bogi

Kynlífslöngun spyr ekki um aldur

Leifar frá USA

Leifar frá Bandaríkjunum leynast víða

Leifur úti undir beru lofti á ný

Lokað hjá mér í 1 ár 3 mánuði og 22 daga

Ég hef ekki enn ekki getað opnað Thailenska spahúsið mitt vegna þess að ég hef hvorki fengið starfsmann með kunnáttu á thainuddi og thailenskum spaaðferðum hér lendis eða á ess svæðinu og stjórnvöld ekki vilja veita mér atvinnuleyfi fyrir kunnáttumann sem hefur beðið í meira en ár eftir  að fá að starfa hjá mér.

sjá uppstillingamyndir og fl:  http://www.1960.is/iceland/spa.htm

ég er nú þolinmóður að eðlisfari en öllu má ofgera það er greinilegt að það er illa pottur mölbrotinn í hjá vinnumálastofnum að halda mér og fleirrum í gíslingu mánuðum saman er óboðlegt sérstaklega þegar aðal ástæðan er sú að það er svo slæm stjórnsýsla að bakka með eitthvað, burtséð frá skynsemi, ( Laugum var áður neitað um atvinnuleyfi fyrir manneskju frá Thailandi sem var með samskonar próf og minn maður)

Hversu lengi getum við látið hrokafulla viljagetulausa starfsmenn vinna okkur tjón á bakvið tjöldin í ríkisstofnunum?

Pirringskveðjur Bogi Jónsson

Slöngur eða heitir hundar upp á enskuna...

Slöngur eða heitir hundar upp á enskuna eins og einn vinur minn kallar þennann öndvegis mat eftir að hann lenti í langvinnum deilum við annann staðfastan vin minn um það hvort þeir væru að borða pulsur eða pylsur.

kv Bogi

Íslandsmeistari í pylsuáti fékk hæfileikana í arf

Mikið lán að ekki var búið að finna upp vídeoið þegar...

Mikið lán að ekki var búið að finna upp vídeoið þegar ég var ungur og rugglaður.

kv Bogi

Tók stýrið af á 100 km hraða