Smá saga úr lífinu

Ég fór með bílinn minn til bílasprautara um daginn til að láta mála hann, eftir miklar spekulasjónir bæði um vinnubrögð og verð ákvað ég að láta hann mála bílinn. Við vorum búin að semja um verðið og vexti og kostnað þar sem ég þurfti að borga þetta í nokkrum hlutum, það var gert greiðsluplan og meira að segja reiknað út hvað ég þyrfti að borga í hvert skipti.

Stuttu seinna fékk ég bílinn nímálaðan fagurgulan og allt var eins og búist var við, ég borgaði útborgunina og nokkru seinna næstu greiðslu og allt var eins og um var talað. Svo kom að því að þegar ég fékk eina rukkunina þá hafði afborgunin hækkað um meira en helming og eftirstöðvarnar helmingi hærri en upprunalega upphæðin hljóðaði upp á.

Ég hafði samband við bílamálarann og spurði hann hvernig stæði á þessu, hann sagði mér að það væri lítið við þessu að gera þeir höfðu sett og mikið álag á loftræstikerfið í málningarklefunum þannig að þeir skemmdust allir og tjónið var umtalsvert og viðgerðarkostnaðurinn, þannig að verkstæðið gæti haldið áfram, var gríðarlegur. Til að gæta samgirnis var kostnaðinum dreift niður á þá bíla sem voru á verkstæðinu og þeirra sem ekki voru búin að greiða upp nýlegar bílamálanir, en hugsanlega gæti ég fengið að borga þetta á lengri tíma.

Þegar ég fór að grennslast um málið þá hafði bílasprautunarverkstæðið verið látið fara á hausinn og skipt um kennitölu fljótlega eftir að búið var að gera við skemmdirnar á sprautuklefanum.  það fyrirtæki sem sá um viðgerðina fékk ekki nema lítin hluta af viðgerðinni greitt, en allir ógreiddir reikningar fyrir bílamálun voru fluttir að fullu yfir í nýa félagið með þeirri viðbót sem öll viðgerðin á klefanum kostaði.

Enn bifreiðareigandinn sem hafði látið þá mála hjá sér bíl og fengið svona gífurlega reikning fór í mál við bílasprautunarverkstæðið og vann málið, það hafi verið ólöglegt að bæta kostaði við viðgerð á sprautuklefanum við reikninginn við að mála bílinn hans, ég benti bílasprautunarverkstæðinu á að þetta hafi verið ólöglegt hjá þeim samkvæmt dómi. Bílasprautunarverkstæðið benti mér á að þetta ætti ekki við um reikninginn hjá mér þar sem minn bíll var málaður gulur en bifreiðin í dómnum var grá þannig að það á ekki við.

Með bestu kveðjur til fjármálastofnana

Kv BJ

Athugasemdir

[Hannes (IP-tala skráð) 23.2.2011 kl. 22:57]

Djöfull eru menn ósvífnir, ef það er búið að skipta um kennitölu ætti að vera í lagi að sleppa því að borga þeim, þetta er annað fyrirtæki

[Hjörtur Sævar Steinason, 24.2.2011 kl. 21:31]

Já þetta er skömm Bogi, en aðal skömmin er kannski sú að þeir komast upp með þetta og eru jafnvel verðlaunaðir !!!

Þetta djöfuls skítapakk !!!!!   Fyrirgefið orðbragðið en maður getur bara ekki annað þegar þetta helvítis pakk á í hlut.

Kveðja Hjörtur og JAKINN.is